Kredittvurdering

Ei verksemd kan berre be om kredittsjekk dersom det er sakleg grunn for det. Dersom du gjer ein avtale som inneber at du får kreditt, for eksempel når du kjøper ei vare du skal betale med faktura, kan det vere at dei du kjøper av har ein slik sakleg grunn for å sjekke om du kan betale.

Ei verksemd kan ikkje gjere ein kredittsjekk av deg dersom du betaler kontant for vara du kjøper. 

Gjenpartsbrev

Dersom du har blitt kredittvurdert, skal du få eit gjenpartsbrev som informerer om at det er gjort ei slik vurdering. I somme tilfelle kan gjenpartsbrevet vere elektronisk.

Brevet skal mellom anna innehalde opplysingar om

1. kven som har bedt om kredittopplysingane og kontaktopplysningane deira
2. kva for nokre opplysingar som er gitt ut
3. kjelda for opplysningane

Lurer du på kvifor du er kredittvurdert?

Dersom du ikkje forstår kvifor, eller er ueinig i at det er gjort ei kredittvurdering av deg, kan du be om ei forklaring frå den verksemda som har bede om kredittvurderinga.

Sperre mot kredittvurdering

Du kan sjølv setje ei frivillig sperre mot kredittvurdering hos kredittopplysingsverksemdene. Då kan ikkje andre hente inn kredittopplysningane dine utan at du hever sperra fyrst. Dette er praktisk viss du er uroa for ID-tjuveri (til dømes at andre skal ta opp lån i namnet ditt) eller at andre skal hente inn opplysningane dine utan lov (datasnoking).

For å setje sperre må du ta direkte kontakt med verksemdene som driv med kredittopplysing. Så vidt Datatilsynet kjenner til, kredittvurderer fire verksemder privatpersonar (altså dei som ikkje har enkeltpersonføretak).

Dei som har enkeltpersonføretak, må ta kontakt med alle verksemder som driv med kredittvurdering for å setje sperre. Datatilsynet har dessverre ikkje oversyn over alle kredittvurderingsverksemder. Vi har teke initiativ til ei felles sperreløysing i Brønnøysundregistera, men det er førebels ikkje sikkert om ei slik løysing vil kome i stand.

Verksemder som kredittvurderer privatpersonar:

Bisnode

Sperreteneste

E-post:  

Telefon: 22 45 93 40

Postadresse: Bisnode, avd. Databank, Postboks 1419 Vika, 0115 Oslo

Creditsafe

Sperreteneste

Telefon: 800 24 722

E-post: 

Postadresse: Creditsafe Norge, Box 320, 412 50 Gøteborg, Sverige

Experian

Sperreteneste

Telefon: 815 55 420

Fax: 850 20 218

E-post:

Postadresse: Postboks 5275 Majorstuen, 0303 Oslo

EVRY

Telefon: 06500

E-post: 

Postadresse: Postboks 1330 Fornebu

Konsesjonar til kredittvurdering

Kommunal- og moderniseringsdepartementet arbeider for tida med ny kredittopplysningslov. Inntil den nye lova er på plass, gjeld konsesjonar som tidlegare er gitt i medhold av personopplysningsforskrifta (sjå § 4 i overgangsreglane).

Standard konsesjon kredittopplysningsvirksomhet

Konsesjonar er gitt til:

• Assessment Global - Norsk Verdivurdering AS
• Atradius
• Bisnode Norge AS
• Creditsafe Norway AS
• EVRY AS
• Experian AS
• Kredinor SA
• Kredittfakta Finans AS
• KO International AS
• Kredittopplysningen AS
• Lindorff AS
• Proff AS
• Regnskapstall 1881 AS
• Sergel Norge AS