Tilsyn går saman i kampen mot økonomisk kriminalitet

Økonomisk kriminalitet er eit stort samfunnsproblem. Ein ting er dei enorme summane som blir blir tatt frå folk eller lurt unna fellesskapet. Det vert også brukt mange milliardar i forsøk på førebygging. For å bruke desse ressursane meir effektivt, treng vi bedre system for informasjonsutveksling og vilje til deling og samarbeid mellom private og offentlege aktørar. Regelverka er dessutan komplekse, og ein kan oppleve at dei stiller motstridande krav til aktørane.

Datatilsynet og Finanstilsynet vil derfor invitere bankar som jobbar med løysingar for datadeling til å delta i sandkasseprosjekt, der dei vil få støtte og rettleiing frå dei to tilsyna.

– Vi ønsker at bankar skal søke opptak i sandkassa for å utforske tekniske løysingar, nye samarbeidsformer og konsept for trygg deling av data mellom foretak og med myndigheiter, seier direktør i Finanstilsynet Per Mathis Kongsrud.

– Erfaringane vil hjelpe oss å finne hindringar i regelverka, og gi eit godt grunnlag for å vurdere eventuelle behov for utvikling av nytt regelverk innanfor dei grenser personvernet set, seier direktør i Datatilsynet Line Coll.

Korleis søke om å delta

Det er Finanstilsynet som tek imot søknadane for denne typen prosjekt. Bankar som ønsker å søke om deltaking, kan kontakte Finanstilsynet ved Johan Aasen () eller . Søknadsfristen er 17. januar.

Meir info og søknadsskjema finn du på nettsidene til Finanstilsynets sandkasse.